أصول نظرية النقد النحوي لدى أبي حيان الأندلسي (دراسة تطبيقية علی تفسيره البحر المحيط)

چکیده

څرنګه چې پخپله قرآن کريم د علم النحو په ايجاد کې بنسټيز رول درلود، او له بل پلوه علم النحو د قرآن کريم په تفسير کې خورا زيات رول لري، له پيل څخه کله چې علماوو د علم النحو قواعد وضع کول، ددې قواعدو لپاره يې بيلا بيل اصول او ضوابط کيښودل.

د نحوې د قواعدو د وضع کولو لپاره هرې مدرسې د ځان لپاره ځانګړي منهج وټاکه او په ځانګړو اصولو او بنسټونو يې اعتماد وکړ، نو له همدې امله د نحويانو بيلا بيل مدارس رامنځته شول، چې په دې کې د بصرې، کوفې، بغداد، اندلس، مصر او داسې نور مدارس د يادوني وړ دي، وروسته د همدې مناهجو او اصولو د اختلاف له امله د نوموړو مدارسو ترمنځ اختلاف رامنځ ته شو، او يو د بل نقد او کره کتنه پيل کړه.

په دې مينځ کې داسي علماء هم وو چې په يوې مدرسي پوري يي هم تړاو نه لاره، او څه علماء داسي وو چې يوې ځانګړې مدرسې ته خو منسوب وو، خو په ډيرو قضاياو کي به يې د هغي مدرسې سره اختلاف درلود، ددې علماو له ډلې څخه يو هم ابو حيان اندلسي...